Tössje alle carnavalsperikelen door sjtong aafgelaupe zondig de officiële hersjtart van de competitie op ‘t program veur de manne van “tsjwé”. En dit waor tevens geine kattepis, want net es de sjtart van ‘t seizoen waore ozze ‘vrunj van ongeraan de berreg’ de teagesjtander. Toen sjtong nao 90 minuute 1-1 op ‘t formulier, maar ozze equippe wouw natuurlijk de 3-punten biesjrieve, net wie de letste wedstried van veur de wintersjloap. Mèt ein prima wearke en de receptie van de Sjravelaire nog in de bein kosj de derby aanvange. Der waor väöl publiek nao de sjportwei gesjraveld (wo-onger ozze vrund ‘Lange Jan’) die klaor waore veur ‘n sjoan pötje!

Al vanaaf de ieërste fluit waor de beleaving van de derby der zowie ‘t zou motte zeen, veural vanoet de Genhouter kant. In ‘t begin eave aaftaste, maar de eerste de beste aanval leverde metein get op. Eine goeie aanval in de 4e minuut keem bie Hugo in de veut dea op de rand van de 16 de bal sjoan opzie lag en ‘ram veardig’ veur de inloupende Remy. Dea heij gein moment van twiefel en plaatste uiterste precies de bal in ‘t zie-netje: 1-0! Extase alom! “De 16 punte van de vakjury gunt nao… Genhout!”! De veurzitter, dae sowieso al zenuwechtig rondleep, kreeg vervolgens es tip: “d’r is maar ien dingk dat mot, en dat is ojjem blieve hale!”.

Daonao verangerde ‘t sjpelbeeld neet en woorte veural op ‘t middeveld väöl duels oetgevochte. Soms leverde die duels uiteraard eine vrieje trap op, ‘t blif ten sjlotte eine derby. Wat daobie miste waor ein hofkapel, die eine toesj koosjte sjpele bie elke besjlissing van de sjeids. Evaluatiepuntje. In de (2x11 - 1)e minuut waor der weer eine goeije aanval van Genhouter maakelij. Oeteindelijk woort Dean Hmmmbappe bereik op de linkerflank, dae nao binne dreef en de bal de deepte in punterde. In die deepte pikte Max II de bal op en sjoof ‘m langs de keeper binne: 2-0! “De 16 punte van de carnavals-jury goan noa… Genhout!” Nog te vreug veur de polonaise, maar ‘t publiek zat alvas de sjlager in “Genhout is neet te sjtoppe, sjtoppe, sjtoppe…”.

Hienao keeme der auch goeij meugelijkheden veur ozze vrunj van ongeraan de berreg. Via eine corner en get veurzette crejeerde ze ‘t neudige gevaar. Helaas veur hun eindigde deze poginge meistal op ‘t houtwerk (aluminium). Ze dachte dat Paul en Leo hie mit te maake houwe “twieëmaol aafgezeag, ….”. Maar helaas veur de Pottentaote bleef ‘t bie 2-0. D’r Dean mosj helaas al veur de rös van ‘t veld (versjtuukte elleboag van ‘t sjoenkele) en dea woort vervange door Raf.

In de rös veural rös, gein drukte en wederom goeije ranja. Get lètste tips van Sjlot en veural elkaar nog eave oppeppen dat ver der nog neet waore.

Nao rös volgde direc ein groate kans op de 3-0. Nao eine aanval euver meerder sjieve keem deze via eine verwèrkte veurzat van Koen bie Bram veur de veut. Alle kans om de 3-0 bènne te sjeete, maar wellich wilt ‘r oats nog groate prins van Baek weare, want hea sjoof ‘m vakkundig neave. Vlak hienao woort Caesar erg gevearlijk door eine pass door ‘t centrum wo-oet eine 1-op-1 ontsjtong. D’r Tim (neet dea artiest) verkleinde zien goal en de sjpits van Caesar vong ‘t zie-net. Hienoa volgde neet direc groate kanse, maar veural veul sjtrijd. In de 6x11-e minuut sjpeelde Jeroen eine bal in richting de veurhoede dea door Hugo in de deepte woort mètgenomme. Hugo troefde ziene teagesjtander aaf en wees vervolgens de keeper te versjalke door de bal door de bein te sjpele: 3-0!! “En auch de 16 punte van de jury van oud-winnaars goan noa… Genhout!” Dit leek toch waal de genadeklap, en de euforie waor groat. Auch Hollenders weite dus te prestere in Carnavalstieje.

Nao de 3-0 kooste get strijders aafgewisseld weare veur nuuje. Max G en Remy mochte hun verdeende rös pakke en goove aan Siebe en Ja-pie ‘t sjtekske euver. D’r keem mieër en mieër ruumte, echter leverde dit gein groate kanse mieër op. In minuut (8x11+1) besjloat Raf um 2x op ‘t wedstriedformulier te sjtoan en woort aafgewisseld door Nickytarian. Wellich de nuuje heerser van ‘t GSV-riek? Oeteindelijk veel nao 93 minute de besjlissing..
“Zo wie altied bepaalt en besjlis ‘t volk… En de 16 punte van ‘t volk en dao-mèt auch de euverwinning van ‘t BVK (Baeks Voetbal Konkoer) 2023 is dit jaor veur…. GENHOUT!” Tataa, tataaaa, tataaaaa!

Eine prachtige mörrege/middig veur de manne van ‘t tweede die zoa de aansjleeting in de middenmoot weer höbbe gevonge. Doaneave heij de road van 4 achterin (Bram I, Brandon I, Jeroen I en Roy III) saame mèt hunne hofnar Tim de 0 weer ins gehouwte. Mit ein sjoan fieëske, ein good geveul, ein paar rundjes en get eate van Peter woort de zondig heerlijk verder gezat. En dao woort oetzinnig van genoate, want es Adam gay waor geweas… dan houw dit allemaol noats kènne gebeure!

Veer sjleete aaf mèt ozze leefsjpreuk:
Mèt ein team dat veur elkaar door ‘t vuur geit,
Is der bienao gein ploog dae dich pien deit.
Mèt eine van Aelse langs de lien,
Deit ‘t coachende dialec dich soms pien.
Maar mèt inzat en plezeer en dat ‘t leefste elke weak,
Is auch dit jaor gebleke, GSV 2 is weer de beste van Baek!

ALAAF!